الكفتة بلدجاج مع الفطر و الذرة و الباشميل

المقادير:

نص كيلو دجاج مطحون ناعم متل لما بدنا نساوي الكفتة
ملعقة زنجبيل
ملعقتين كعك مطحون
ملعقتين ملح
ملعقتين فلفل ابيض

الطريقة :

نخلطهم بايدنا حتى يصيوا متل العجينة يعني تنخلط اللحمة بالبهارات
ونحضر ورق نايلون يلي منغطي فيه الاكل و منعمله اسطوانة و نغلقها منيح منيح
و نتركها في البراد نص ساعة او حتى تاني يوم مو مشكلة المهم بالبراد
بعدين نضعها بطنجرة البخار بالمي و نبهر المي بالهيل و ملح و فلفل
بتاخد شي ربع ساعة حتى تستوي و منقطعها دوائر

للتقديم :

فطر مقلي بقليل من الزيت مع الذرة ونصب على وجهها القليل من صلصة البشاميل أو كريمة الطبخ

ملاحظة :
ممكن تطبيق نفس الطريقة مع اللحمة بس البهارات بتتغير فلفل و ملح و جوزة الطيب

و شهية طيبة